Áríðandi tilkynning
Skattadagatal desember
12.12.2018

Desember

17

Eindagi staðgreiðslu vegna nóvember

Eindagi fjársýsluskatts vegna nóvember

28

Kærufrestur vegna álagningar lögaðila rennur út

Gjalddagi úrvinnslugjalds fyrir september-október 2018

Heim  >  Fréttir  //  Ökutækjastyrkir og frádrættir á móti

FRÉTTIR

Ökutækjastyrkir og frádrættir á móti

"Ökutækjastyrkir og frádrættir á móti slíkum greiðslum

13.4.2018

Að gefnu tilefni vegna opinberrar umfjöllunar um ökutækjastyrki vill embætti ríkisskattstjóra benda á að ökutækjastyrkir eru skattskyldar tekjur og reiknast tekjuskattur og útsvar á þær tekjur með sama hætti og aðrar launatekjur.

Framteljendur sem hafa tekjur af ökutækjastyrkjum kunna að eiga heimild að færa til frádráttar kostnað vegna aksturs.

Í 1. tölul. 1. mgr. A-liðar 30. gr. laga nr. 90/2003, um tekjuskatt, er m.a. kveðið á um að frá tekjum manna sem ekki eru tengdar atvinnurekstri eða sjálfstæðri starfsemi megi draga útgjöld að hámarki móttekinni fjárhæð ökutækjastyrkja sem sannað sé að séu ferðakostnaður vegna atvinnurekanda og séu í samræmi við matsreglur ríkisskattstjóra. 

Ríkisskattstjóri gefur árlega út skattmat  þar sem bæði er fjallað um tekjur og mat á þeim og frádrátt á móti ýmsum greiðslum. Skattmatið er birt í B-deild Stjórnartíðinda og á rsk.is. Í kafla 3.1 er fjallað um reglur sem gilda um frádrátt á móti fengnum ökutækjastyrk. Þar kemur fram að frá ökutækjastyrk, sem launamaður skal færa til tekna, heimilast til frádráttar tiltekinn kostnaður á hvern ekinn kílómetra í þágu launagreiðanda. Aldrei leyfist hærri fjárhæð til frádráttar en talin er til tekna sem ökutækjastyrkur. Skilyrði fyrir frádrættinum er að fyrir liggi skriflegur afnotasamningur þar sem aksturserindum er skilmerkilega lýst og að færð hafi verið akstursdagbók eða akstursskýrsla, þ.m.t. á rafrænu formi, þar sem skráð er hver ferð, dagsetning, ekin vegalengd, aksturserindi, nafn og kennitala launamanns og einkennisnúmer viðkomandi ökutækis, sbr. reglugerð nr. 591/1987, um laun, greiðslur og hlunnindi utan staðgreiðslu. Einnig þarf að liggja fyrir hver heildarakstur bifreiðar er á hverju ári. Færa skal þessi gögn reglulega og skulu þau vera aðgengileg skattyfirvöldum þegar þau óska þess. 

Samkvæmt framansögðu er frádráttur á móti ökutækjastyrk háður því að sannanlega sé um að ræða greiðslu launagreiðanda til að mæta útlögðum kostnaði launamanns vegna ferða sem eru í þágu atvinnustarfsemi launagreiðandans. Launamaðurinn þarf þannig ætíð að hafa orðið fyrir kostnaði vegna aksturs í þágu launagreiðanda þannig að skilyrði frádráttar séu til staðar. Séu skilyrðin uppfyllt þarf almennt ekki að leggja fram gögn um kostnað eða akstur heldur er heimilt að byggja frádrátt á þeim fjárhæðum sem ákvarðaðar eru árlega í skattmati. Engu að síður þarf launamaður og eftir atvikum launagreiðandi að geta sýnt fram á að til hafi fallið kostnaður sem er frádráttarbær. 

Frádráttarreglum var breytt á tekjuárinu 2014 á þann veg að nú er miðað við tiltekna krónutölu á hvern ekinn kílómetra í þágu launagreiðanda og fer fjárhæðin lækkandi eftir því sem meira er ekið. Áður var byggt á tilgreindum kostnaðartölum sem launamenn gerðu grein fyrir í skattframtali sínu, en að ákveðnu hámarki. 

Rétt er að taka fram að um greiðslur til þingmanna gilda lög nr. 88/1995, um þingfararkaup alþingismanna og þingfararkostnað. Er þar m.a. fjallað um endurgreiðslur á ferðakostnaði og sérstaklega tekið fram að slíkar greiðslur séu ekki skattskyldar. Þannig er ekki um að ræða ökutækjastyrki í þessu sambandi heldur endurgreiðslur á útlögðum kostnaði og framangreindar frádráttarreglur eiga því ekki við um þá sem fá greiðslur samkvæmt lögum nr. 88/1995. 

Ríkisskattstjóri "

Leita í fréttum Frá árinu: Leitarorð:
Fyrri 1 2 3 4 5 6 7 8 9 10 11 12 13 14 15  ... Næsta 
  • xx
    Leiðréttingar á VSK hætt á pappír
    12.12.2018
    Ríkisskattstjóri tilkynnir hér með að hann mun frá ðg með 1.janúar 2019 hætta móttöku leiðréttingaskýrslana á pappír sjá nána r hér 
  • xx
    Haustráðstefna Félags bókhaldsstofa
    7.11.2018
    Haustráðstefna Félags bókhaldsstofa var haldin á Hótel Örk í Hveragerði dagana 2. og 3. nóvember sl. Dagskráin var óvenju fjölbreytt og meðal annars var fjallað um undirbúning fjármálaráðuneytisins að fjárlögum næsta árs, námsmöguleika í skattarétti, kvaðir nýrra persónuverndarlaga, skatteftirlit og kulnun í starfi, svo eitthvað sé nefnt. Þá kynntu fulltrúar Félags löggiltra endurskoðenda og Samtök verslunar og þjónustu starfsemi sinna samtaka og Aldís Hafsteinsdóttir bæjarstjóri kynnti heimabyggðina Hveragerði. Á föstudagskvöldinu var sameiginlegur kvöldverður þar sem sunnlenskur trúbador lék listir sínar. Ráðstefnan þótti heppnast með ágætum og fóru gestir miklu fróðari heim.
  • xx
    Morgunverðarfundur FB
    15.10.2018
    Morgunverðarfundur verður haldinn á Grand Hótel, miðvikudaginn  17.október 2018
  • xx
    Haustráðstefna Félags bókhaldsstofa
    2.10.2018
    Haustráðstefna FB verður haldin á Hótel Örk í Hveragerði 2 og 3 nóvember 2018 Dagskrá                                                       Skráningablað hér.   Föstudagur:   Kl.           10:00 Setning - kynning dagskrár - val ráðstefnustjóra. Formaður FBO       10:05 Ný lög um persónuvernd. Páll Ólafsson og Gunnar Jóhann Birgisson       11:35 Félag löggiltra endurskoðenda - kynning Sif Einarsdóttir frá Deloitte       12:00 Matarhlé         13:00 Ávarp bæjarstjóra Aldís Hafsteinsdóttir       13:30 Framtíðarbreytingar í skattamálum. Kynning frumvarpa Ingibjörg Helga Helgadóttir í fjármálaráðuneytinu       14:30 Samtök atvinnulífsins - kynning, umræða Þóranna K. Jónsdóttir       15:15 Kaffihlé         15:45 Erindi frá RSK Jarþrúður Hanna Jóhannsdóttir   Virðisaukaskattur, launagreiðendaskrá ofl.         19:00 Kvöldverður - kvöldvaka                 Laugardagur:         09:00 Innri mál FBO - málstofa með kaffihléi Stjórnandi: Sigurjón Bjarnason       10:30 Menntun á sviði skattaréttar Kristján Gunnar Valdimarsson       11:30 Starfsþjálfun bókara. Umsjón: Inga Jóna Óskarsdóttir       12:00 Matarhlé         13:00 Skatteftirlit - Lagafyrirmæli/framkvæmd. Sigurjón Bjarnason innleiðir umræðuna       14:00 Kulnun í starfi Eyþór Edvardsson frá Þekkingarmiðlun       15:30 Ráðstefnulok Formaður/ráðstefnustjóri
  • xx
    Morgunverðarfundur FB
    17.9.2018
    Morgunverðarfundur verður haldinn á Grand Hótel, miðvikudaginn  19.september 2018
  • xx
    Úrskurðir YSKN Duldar arðgreiðslur o.fl
    10.9.2018
    Hlekkur hér á : https://yskn.is/   Úrskurður nr. 113/2018  Dánarbætur  Kærandi, sem fékk greiddar bætur á grundvelli 6. gr. laga um félagslega aðstoð nr. 99/2007 vegna andláts maka á árinu 2014, hélt því fram að um greiðslu skattfrjálsra dánarbóta væri að ræða, sbr. 2. tölul. 28. gr. laga nr. 90/2003. Í úrskurði yfirskattanefndar var rakið að bætur samkvæmt 6. gr. laga nr. 99/2007 ættu rót sína að rekja til svonefndra ekkjubóta sem teknar voru upp á árinu 1946. Var gerð grein fyrir forsögu slíkra bóta og bent á að í löggjöf á sviði almannatrygginga hefði ávallt verið gerður greinarmunur á annars vegar dánarbótum vegna slysa og hins vegar hinni sérstöku tegund bóta vegna andláts maka sem upphaflega nefndist ekkjubætur. Í skattframkvæmd hefði óslitið og um langan aldur verið byggt á því að ekkju- og ekklabætur væru skattskyldar og féllu ekki undir undanþáguákvæði skattalaga vegna greiðslu dánarbóta. Var kröfum kæranda hafnað.  Úrskurður nr. 114/2018  Lánveiting einkahlutafélags til tengds aðila Duldar arðgreiðslur Álag Kærandi var framkvæmdastjóri og stjórnarmaður X ehf. og eigandi alls hlutafjár í félaginu. Ríkisskattstjóri færði kæranda til tekna meintar óheimilar lánveitingar frá félaginu á árunum 2012, 2013 og 2014, en kærandi hélt því fram að greiðslurnar væru að verulegu leyti endurgjald fyrir fasteign erlendis sem kærandi hefði selt X ehf. á árinu 2012. Í úrskurði yfirskattanefndar var m.a. bent á að kærandi hefði eignfært fasteignina í skattframtölum sínum þau ár sem málið varðaði og að hvorki í bókhaldsgögnum né skattskilum X ehf. fyrir sömu ár kæmi neitt fram um að félagið hefði keypt fasteignina af kæranda. Þóttu skýringar kæranda á ástæðum þess að svo hefði til tekist ekki trúverðugar. Þá varð ekki séð að neinar meginbreytingar hefðu orðið á notkun fasteignarinnar í kjölfar hinna ætluðu viðskipta með hana. Þá var ekki fallist á með kæranda að skattleggja bæri tilteknar greiðslur X ehf. til hans á árinu 2013 sem arðgreiðslur þótt reikningslegt svigrúm hefði verið til arðsúthlutunar úr félaginu, enda hafði engin formleg ákvörðun um úthlutun arðs verið tekin á árinu 2013 í samræmi við lagareglur þar að lútandi og engin grein verið gerð fyrir meintri arðgreiðslu í ársreikningi og skattskilum X ehf. vegna þess árs. Var kröfum kæranda hafnað, þar með talið kröfu hans um niðurfellingu 25% álags  Úrskurður nr. 116/2018  Skattaleg heimilisfesti Skattrannsókn Málsmeðferð Í máli þessu sætti kæru úrskurður ríkisskattstjóra um skattalega heimilisfesti og skattskyldu kæranda þar sem ríkisskattstjóri taldi kæranda hafa borið fulla og ótakmarkaða skattskyldu á Íslandi árin 2007 til 2010 þrátt fyrir að hafa verið með skráð lögheimili á Máritaníu umrædd ár. Í úrskurði yfirskattanefndar kom fram að nauðsyn bæri ekki til sérstaks úrskurðar um heimilisfesti á grundvelli 2. mgr. 1. gr. laga nr. 90/2003 væri litið svo á að gjaldandi bæri skattskyldu samkvæmt 2. tölul. 1. mgr. 1. gr. laganna þrátt fyrir flutning úr landi, enda kæmi ekki til kasta þess ákvæðis nema óumdeilt væri – eða a.m.k. ekki gerður ágreiningur um – að gjaldandi hefði fellt niður heimilisfesti sitt hér á landi. Var fallist á með kæranda að breyting hefði orðið á forsendum ríkisskattstjóra við meðferð málsins sem hefði verið fallin til að tálma því að kærandi gæti neytt andmælaréttar síns. Þá var ekki talið að málið hefði verið rannsakað nægjanlega með tilliti til heimilisfestis kæranda og mögulegrar búsetu hans á Spáni á umræddu tímabili. Voru slíkir annmarkar taldir vera á ákvörðun ríkisskattstjóra og boðun hennar að fella bæri ákvörðunina úr gildi með öllu. 
Finna bókara
Jón Pétursson
Sími
5643030
Netfang
bokjon(hjá)centrum.is
Sigurjón Bjarnason, meðstjórnandi FB
Sími
4711171
Netfang
sb(hjá)skrifa.is