Áríðandi tilkynning
Skattadagatal desember
12.12.2018

Desember

17

Eindagi staðgreiðslu vegna nóvember

Eindagi fjársýsluskatts vegna nóvember

28

Kærufrestur vegna álagningar lögaðila rennur út

Gjalddagi úrvinnslugjalds fyrir september-október 2018

Heim  >  Fréttir  //  Úrskurðir frá Yfirskattanefn hlutabréfaeign o.fl.

FRÉTTIR

Úrskurðir frá Yfirskattanefn hlutabréfaeign o.fl.










 

Úrskurður nr. 197/2017

Atvinnurekstur
Hlutabréfaeign

Ekki var fallist á með kæranda að telja bæri eignarhald og umsýslu hans með hlutabréf í X hf. til atvinnurekstrar eða sjálfstæðrar starfsemi í skattalegu tilliti. Kom m.a. fram í því sambandi að við ákvörðun þess, hvort um atvinnurekstur væri að ræða, hefði einkum verið horft til þess í úrskurðaframkvæmd hvort um sjálfstæða starfsemi væri að ræða sem rekin væri reglubundið og í nokkru umfangi í þeim efnahagslega tilgangi að skila hagnaði. Í tilviki kæranda væri ekki fyrir að fara neinni reglubundinni starfsemi á sviði hlutabréfaviðskipta. Þá væri um að ræða eignarhald að hlutabréfum í hlutafélagi sem kærandi virtist hafa átt hlut í frá árinu 2000, þ.e. frá stofnári félagsins, og kærandi frá öndverðu hagað skattskilum sínum miðað við að um fjárfestingu utan rekstrar hefði verið að ræða eða allt til ársins 2014. Var kröfum kæranda hafnað. 


Úrskurður nr. 199/2017 

Virðisaukaskattur
Innskattur
Sérstök skráning
Málsmeðferð
Álag á virðisaukaskatt

Kærandi í máli þessu var skráður sérstakri skráningu í grunnskrá virðisaukaskatts vegna byggingar fasteignar og síðar frjálsri skráningu vegna útleigu hluta eignarinnar. Deilt var um þá ákvörðun ríkisskattstjóra að lækka áður fenginn innskatt kæranda af kostnaði við byggingu fasteignarinnar vegna þeirra breytinga á forsendum fyrir frádráttarrétti innskatts að fasteignin hafði verið seld C ehf. á árinu 2012 án þess að það félag hefði verið bært til að yfirtaka skyldu til leiðréttingar innskatts vegna eignarinnar. Nánar tiltekið var ágreiningur um þá afstöðu ríkisskattstjóra að kæranda bæri að endurgreiða fenginn innskatt vegna þess hluta fasteignarinnar, sem ekki hefði verið nýttur í skattskyldri starfsemi, þ.e. útleigu með frjálsri skráningu, án tillits til ákvæða í IV. kafla reglugerðar nr. 192/1993 varðandi ákvörðun á leiðréttingarfjárhæð innskatts. Byggði ríkisskattstjóri í því sambandi einkum á ákvæðum í 3. gr. reglugerðar nr. 577/1989 um bankaábyrgð sem byggingaraðili skal leggja fram við þargreindar aðstæður vegna sérstakrar skráningar sinnar. Yfirskattanefnd féllst ekki á þessa túlkun ríkisskattstjóra og benti í því sambandi m.a. á að samkvæmt beinu orðalagi síðastnefnds reglugerðarákvæðis væri ekki mælt fyrir um skyldu byggingaraðila, sem skráður væri sérstakri skráningu, til endurgreiðslu virðisaukaskatts á þeim grundvelli sem ríkisskattstjóri teldi. Þá þóttu samræmisrök eindregið mæla gegn því að byggingaraðilar yrðu taldir undir aðrar reglur settir en skráðir aðilar almennt hvað varðaði skyldu til leiðréttingar innskatts, ef breyting yrði á forsendum innskattsfrádráttar í rekstri þeirra, hvað sem liði atvikum varðandi þann forsendubrest. Var leiðréttingarfjárhæð vegna innskatts lækkuð verulega, en kröfu kæranda um niðurfellingu álags var hafnað. 


Úrskurður nr. 200/2017 

Skattrannsókn
Lágskattaríki
Teknategund
Óvenjuleg skipti í fjármálum
Málsmeðferð
Álag

Í framhaldi af rannsókn skattrannsóknarstjóra ríkisins á skattskilum kæranda árin 2005-2009 endurákvarðaði ríkisskattstjóri áður álögð opinber gjöld kæranda vegna tekjuáranna 2006, 2007 og 2008. Í málinu var m.a. deilt um þá ákvörðun ríkisskattstjóra að færa kæranda til tekna í almennu skattþrepi tekjuskatts greiðslur frá X Ltd., sem skráð var á Bresku Jómfrúreyjum, sem kærandi hafði tilfært sem arð frá félaginu í skattframtölum sínum. Í ljósi þess sem fyrir lá um starfsemi X Ltd. á því tímabili sem málið varðaði, og þar sem kærandi hafði ekki lagt fram nein samtímagögn, svo sem afrit stjórnarsamþykkta, til stuðnings kröfu sinni, var kærandi ekki talinn hafa sýnt fram á að virða bæri greiðslur X Ltd. til hans í heild eða að hluta sem arðgreiðslur. Þá var kærandi sömuleiðis ekki talinn hafa sýnt fram á með gögnum að vaxtatekjur vegna lánveitingar hans til Y ehf. á árinu 2006 tilheyrðu í reynd X Ltd. Var því ekki hróflað við tekjufærslu ríkisskattstjóra á vaxtatekjunum í skattframtali kæranda árið 2007. Á hinn bóginn var sú ákvörðun ríkisskattstjóra að færa kæranda til tekna söluhagnað vegna sölu Z Ltd., félags í eigu kæranda sem skráð var á Bresku Jómfrúreyjum, á hlutabréfum í E hf. og G hf. á árinu 2006 felld niður. Kom fram að gögn málsins, þar með talið tilkynningar Kauphallar Íslands, bentu eindregið til þess að Z Ltd. hefði verið kaupandi hlutanna í öndverðu. Var ríkisskattstjóri ekki talinn hafa sýnt fram á það að skattleggja bæri söluhagnað vegna sölu hlutabréfanna hjá kæranda persónulega. Kröfu kæranda um niðurfellingu 25% álags var hafnað og kröfu hans um útreikning dráttarvaxta var vísað frá yfirskattanefnd. 

  sjá nánar um úrskurði yfirskattanefndar hér. 
Leita í fréttum Frá árinu: Leitarorð:
Fyrri 1 2 3 4 5 6 7 8 9 10 11 12 13 14 15  ... Næsta 
  • xx
    Leiðréttingar á VSK hætt á pappír
    12.12.2018
    Ríkisskattstjóri tilkynnir hér með að hann mun frá ðg með 1.janúar 2019 hætta móttöku leiðréttingaskýrslana á pappír sjá nána r hér 
  • xx
    Haustráðstefna Félags bókhaldsstofa
    7.11.2018
    Haustráðstefna Félags bókhaldsstofa var haldin á Hótel Örk í Hveragerði dagana 2. og 3. nóvember sl. Dagskráin var óvenju fjölbreytt og meðal annars var fjallað um undirbúning fjármálaráðuneytisins að fjárlögum næsta árs, námsmöguleika í skattarétti, kvaðir nýrra persónuverndarlaga, skatteftirlit og kulnun í starfi, svo eitthvað sé nefnt. Þá kynntu fulltrúar Félags löggiltra endurskoðenda og Samtök verslunar og þjónustu starfsemi sinna samtaka og Aldís Hafsteinsdóttir bæjarstjóri kynnti heimabyggðina Hveragerði. Á föstudagskvöldinu var sameiginlegur kvöldverður þar sem sunnlenskur trúbador lék listir sínar. Ráðstefnan þótti heppnast með ágætum og fóru gestir miklu fróðari heim.
  • xx
    Morgunverðarfundur FB
    15.10.2018
    Morgunverðarfundur verður haldinn á Grand Hótel, miðvikudaginn  17.október 2018
  • xx
    Haustráðstefna Félags bókhaldsstofa
    2.10.2018
    Haustráðstefna FB verður haldin á Hótel Örk í Hveragerði 2 og 3 nóvember 2018 Dagskrá                                                       Skráningablað hér.   Föstudagur:   Kl.           10:00 Setning - kynning dagskrár - val ráðstefnustjóra. Formaður FBO       10:05 Ný lög um persónuvernd. Páll Ólafsson og Gunnar Jóhann Birgisson       11:35 Félag löggiltra endurskoðenda - kynning Sif Einarsdóttir frá Deloitte       12:00 Matarhlé         13:00 Ávarp bæjarstjóra Aldís Hafsteinsdóttir       13:30 Framtíðarbreytingar í skattamálum. Kynning frumvarpa Ingibjörg Helga Helgadóttir í fjármálaráðuneytinu       14:30 Samtök atvinnulífsins - kynning, umræða Þóranna K. Jónsdóttir       15:15 Kaffihlé         15:45 Erindi frá RSK Jarþrúður Hanna Jóhannsdóttir   Virðisaukaskattur, launagreiðendaskrá ofl.         19:00 Kvöldverður - kvöldvaka                 Laugardagur:         09:00 Innri mál FBO - málstofa með kaffihléi Stjórnandi: Sigurjón Bjarnason       10:30 Menntun á sviði skattaréttar Kristján Gunnar Valdimarsson       11:30 Starfsþjálfun bókara. Umsjón: Inga Jóna Óskarsdóttir       12:00 Matarhlé         13:00 Skatteftirlit - Lagafyrirmæli/framkvæmd. Sigurjón Bjarnason innleiðir umræðuna       14:00 Kulnun í starfi Eyþór Edvardsson frá Þekkingarmiðlun       15:30 Ráðstefnulok Formaður/ráðstefnustjóri
  • xx
    Morgunverðarfundur FB
    17.9.2018
    Morgunverðarfundur verður haldinn á Grand Hótel, miðvikudaginn  19.september 2018
  • xx
    Úrskurðir YSKN Duldar arðgreiðslur o.fl
    10.9.2018
    Hlekkur hér á : https://yskn.is/   Úrskurður nr. 113/2018  Dánarbætur  Kærandi, sem fékk greiddar bætur á grundvelli 6. gr. laga um félagslega aðstoð nr. 99/2007 vegna andláts maka á árinu 2014, hélt því fram að um greiðslu skattfrjálsra dánarbóta væri að ræða, sbr. 2. tölul. 28. gr. laga nr. 90/2003. Í úrskurði yfirskattanefndar var rakið að bætur samkvæmt 6. gr. laga nr. 99/2007 ættu rót sína að rekja til svonefndra ekkjubóta sem teknar voru upp á árinu 1946. Var gerð grein fyrir forsögu slíkra bóta og bent á að í löggjöf á sviði almannatrygginga hefði ávallt verið gerður greinarmunur á annars vegar dánarbótum vegna slysa og hins vegar hinni sérstöku tegund bóta vegna andláts maka sem upphaflega nefndist ekkjubætur. Í skattframkvæmd hefði óslitið og um langan aldur verið byggt á því að ekkju- og ekklabætur væru skattskyldar og féllu ekki undir undanþáguákvæði skattalaga vegna greiðslu dánarbóta. Var kröfum kæranda hafnað.  Úrskurður nr. 114/2018  Lánveiting einkahlutafélags til tengds aðila Duldar arðgreiðslur Álag Kærandi var framkvæmdastjóri og stjórnarmaður X ehf. og eigandi alls hlutafjár í félaginu. Ríkisskattstjóri færði kæranda til tekna meintar óheimilar lánveitingar frá félaginu á árunum 2012, 2013 og 2014, en kærandi hélt því fram að greiðslurnar væru að verulegu leyti endurgjald fyrir fasteign erlendis sem kærandi hefði selt X ehf. á árinu 2012. Í úrskurði yfirskattanefndar var m.a. bent á að kærandi hefði eignfært fasteignina í skattframtölum sínum þau ár sem málið varðaði og að hvorki í bókhaldsgögnum né skattskilum X ehf. fyrir sömu ár kæmi neitt fram um að félagið hefði keypt fasteignina af kæranda. Þóttu skýringar kæranda á ástæðum þess að svo hefði til tekist ekki trúverðugar. Þá varð ekki séð að neinar meginbreytingar hefðu orðið á notkun fasteignarinnar í kjölfar hinna ætluðu viðskipta með hana. Þá var ekki fallist á með kæranda að skattleggja bæri tilteknar greiðslur X ehf. til hans á árinu 2013 sem arðgreiðslur þótt reikningslegt svigrúm hefði verið til arðsúthlutunar úr félaginu, enda hafði engin formleg ákvörðun um úthlutun arðs verið tekin á árinu 2013 í samræmi við lagareglur þar að lútandi og engin grein verið gerð fyrir meintri arðgreiðslu í ársreikningi og skattskilum X ehf. vegna þess árs. Var kröfum kæranda hafnað, þar með talið kröfu hans um niðurfellingu 25% álags  Úrskurður nr. 116/2018  Skattaleg heimilisfesti Skattrannsókn Málsmeðferð Í máli þessu sætti kæru úrskurður ríkisskattstjóra um skattalega heimilisfesti og skattskyldu kæranda þar sem ríkisskattstjóri taldi kæranda hafa borið fulla og ótakmarkaða skattskyldu á Íslandi árin 2007 til 2010 þrátt fyrir að hafa verið með skráð lögheimili á Máritaníu umrædd ár. Í úrskurði yfirskattanefndar kom fram að nauðsyn bæri ekki til sérstaks úrskurðar um heimilisfesti á grundvelli 2. mgr. 1. gr. laga nr. 90/2003 væri litið svo á að gjaldandi bæri skattskyldu samkvæmt 2. tölul. 1. mgr. 1. gr. laganna þrátt fyrir flutning úr landi, enda kæmi ekki til kasta þess ákvæðis nema óumdeilt væri – eða a.m.k. ekki gerður ágreiningur um – að gjaldandi hefði fellt niður heimilisfesti sitt hér á landi. Var fallist á með kæranda að breyting hefði orðið á forsendum ríkisskattstjóra við meðferð málsins sem hefði verið fallin til að tálma því að kærandi gæti neytt andmælaréttar síns. Þá var ekki talið að málið hefði verið rannsakað nægjanlega með tilliti til heimilisfestis kæranda og mögulegrar búsetu hans á Spáni á umræddu tímabili. Voru slíkir annmarkar taldir vera á ákvörðun ríkisskattstjóra og boðun hennar að fella bæri ákvörðunina úr gildi með öllu. 
Finna bókara
Margrét V.Friðþjófsdóttir
Sími
8674571
Netfang
vidurkenndurbokari(hjá)gmail.com
Eggert Guðmundsson
Sími
4524151
Netfang
bokh(hjá)simnet.is