Áríðandi tilkynning
Skattadagatal juní 2018
11.6.2018
4

Gjalddagi áfengisgjalds vegna maí 2018

5

Gjalddagi virðisaukaskatts fyrir mars-apríl 2018

Gjalddagi skatts af heitu vatni fyrir tímabilið mars-apríl 2018

Gjalddagi gistináttaskatts fyrir mars-apríl 2018 

15

Eindagi staðgreiðslu vegna maí

Eindagi fjársýsluskatts vegna maí

28

Gjalddagi úrvinnslugjalds fyrir mars-apríl 2018

Heim  >  Fréttir  //  Framlenging á ráðstöfun séreignasparnaðar frestur

FRÉTTIR

Framlenging á ráðstöfun séreignasparnaðar frestur


Ríkisskattstjóri hefur ákveðið að framlengja frest til að taka afstöðu til áframhaldandi ráðstöfunar séreignarsparnaðar til 31. júlí 2017.

Er þetta gert til að auðvelda þeim sem nýta sér heimild til að greiða séreignarsparnað inn á lán vegna íbúðarhúsnæðis til eigin nota og vilja halda því áfram eftir 30. júní 2017, en með lögum nr. 111/2016 var úrræðið um ráðstöfun séreignarsparnaðar, framlengt um tvö ár eða til júníloka 2019.

Þeir sem nýtt hafa sér úrræðið eru hvattir til að fara inn á www.leidretting.is og taka afstöðu til áframhaldandi ráðstöfunar.

Frekari upplýsingar eru veittar í síma 442-1900 og í gegnum netfangið adstod@leidretting.is


Sjá nánar hér.






https://www.rsk.is/um-rsk/frettir-og-tilkynningar/framlenging-a-radstofun-sereignarsparnadar-aukinn-frestur

Leita í fréttum Frá árinu: Leitarorð:
Fyrri 1 2 3 4 5 6 7 8 9 10 11 12 13 14 15  ... Næsta 
  • xx
    Úrskurður Yfirskattanefndar Endurgreiðsla vsk
    15.5.2018
    Úrskurður nr. 73/2018   Endurgreiðsla virðisaukaskatts vegna íbúðarhúsnæðis Borun eftir heitu vatni Kærandi fór fram á endurgreiðslu virðisaukaskatts af vinnu bormanna við borun eftir heitu vatni til húshitunar. Yfirskattanefnd benti á að endurgreiðsluákvæði virðisaukaskattslaga girtu fyrir að virðisaukaskattur af vinnu stjórnenda skráningarskyldra vinnuvéla fengist endurgreiddur. Gæti krafa kæranda því ekki náð fram að ganga að því leyti sem hún varðaði virðisaukaskatt af vinnu stjórnanda jarðbors sem notaður var við borun á landi kæranda. Þá þótti mega slá því föstu, í ljósi orðalags endurgreiðsluákvæða, að endurgreiðslan tæki ekki til vinnu við önnur verk en þau sem telja mætti eðlilegan þátt í byggingu íbúðarhúsnæðis og frágang verkstaðar (lóðar) og að sömu viðmiðanir giltu um endurbætur og viðhald íbúðarhúss. Yrði því hvorki játaður þrengri né ríkari réttur til endurgreiðslu af vinnu við endurbætur og viðhald en af vinnu við nýbyggingu. Þar sem hvorki varð séð að vinna við öflun jarðvarma á landi kæranda gæti talist venjulegur þáttur í framkvæmdum við íbúðarhús hans né að hún tengdist nánasta umhverfi hússins var kröfu kæranda hafnað. 
  • xx
    Úrskurður Yfirskattanefndar Söluhagnaður
    15.5.2018
    Úrskurður nr. 75/2018   Söluhagnaður, frestun skattlagningar  Jarðarsala Í máli þessu var deilt um það hvort kærendum, sem seldu bújörð ásamt hlunnindum, væri heimilt að færa hagnað af sölunni til lækkunar stofnverði íbúðarhúsnæðis. Þar sem talið var að lagaskilyrði um að seljandi hefði haft búrekstur á hinni seldu eign að aðalstarfi í a.m.k. fimm ár á síðastliðnum átta árum næst á undan söludegi væri ekki uppfyllt í tilviki kærenda var kröfu þeirra hafnað. 
  • xx
    Úrskurður Yfirskattanefndar Ívilnun mannslát
    15.5.2018
    Úrskurður nr. 76/2018   Ívilnun í sköttum  Mannslát  Málsmeðferð Kærandi óskaði eftir ívilnun í sköttum gjaldárið 2017 vegna andláts maka kæranda á sama ári. Ríkisskattstjóri hafnaði beiðninni á þeim forsendum að þar sem útfararkostnaður hefði fallið til á árinu 2017 væri réttur kæranda til lækkunar skattstofna vegna slíks kostnaðar við álagningu gjaldárið 2018. Yfirskattanefnd vísaði til þess að reynt hefði á viðhorf af þessum toga í úrskurðaframkvæmd, sbr. úrskurð yfirskattanefndar nr. 299/2014. Þá kom fram að niðurstaða ríkisskattstjóra samrýmdist ekki verklags- og vinnureglum embættisins sem gerð væri grein fyrir í fræðigrein í Tíund, fréttablaði ríkisskattstjóra. Úrskurður ríkisskattstjóra var felldur úr gildi og kæru kæranda vísað til ríkisskattstjóra til meðferðar og uppkvaðningar nýs úrskurðar. 
  • xx
    Úrskurður Yfirskattanefndar Ívilnun tap á kröfum
    15.5.2018
    Úrskurður nr.   77/2018   Ívilnun í sköttum     Tap á útistandandi kröfum   Kærandi óskaði eftir ívilnun í sköttum vegna ábyrgðar á námsláni fyrrverandi maka sem féll á kæranda á árinu 2016. Ekki var fallist á með ríkisskattstjóra að sú staðreynd, að lánið var tekið á meðan kærandi og fyrrverandi maki hennar voru í hjúskap, gæti haft í för með sér að líta yrði svo á að um sameiginlega skuldbindingu þeirra væri að ræða þannig að girt væri fyrir ívilnun vegna skuldataps af þeim sökum. Var bent á í því sambandi að hjón bæru almennt ekki ábyrgð á fjárskuldbindingum hvors annars, sbr. hjúskaparlög nr. 31/1993. Var úrskurður ríkisskattstjóra felldur úr gildi og kæru kæranda vísað til ríkisskattstjóra til nýrrar meðferðar og uppkvaðningar 
  • xx
    Ríkisskattstjóri er stofnun ársins 2018
    15.5.2018
    Ríkisskattstjóri er stofnun ársins 2018 9.5.2018 Í þriðja sinn á síðustu fjórum árum er ríkisskattstjóri kjörin stofnun ársins í árlegri könnun SFR. Ingvar J. Rögnvaldsson ríkisskattstjóri veitti viðurkenningunni viðtöku við hátíðlega athöfn í dag, en könnun á ríkisstofnun ársins er nú gerð í þrettánda sinn. Ríkisskattstjóri varð í fyrsta sæti, af 82 stofnunum, í flokki stofnana með fleiri en 50 starfsmenn.  Sjá nánar hé r
  • xx
    Tíund fréttablað
    15.5.2018
    Tíund fréttablað Tíund. fréttablað RSK - apríl 2018 Nýjasta tölublaðið - apríl 2018 Í þessu tölublaði er m.a. fjallað um flýtingu álagningar, staðgreiðslu 2017, gistináttaskatt, atvinnurekstur 2016, árangur af tilraunaverkefninu um styttingu vinnuvikunnar o.fl. sjá hér
Finna bókara
Ragnar Ulrich Valsson
Sími
6613703
Netfang
ragnar(hjá)skatt.is
Gísli Jóhannes Grímsson
Sími
4524321
Netfang
gisli(hjá)hunabokhald.is / gjgrimsson(hjá)simnet.is